“சேர்த்தி சேவையின் பொருள்”

“சேர்த்தி சேவையின் பொருள்”
“ஸ்ரீ” என்ற சமஸ்கிருத வார்த்தை லட்சுமி தேவியையும் குறிக்கிறது. லக்ஷ்மி என்பது ஒளியின் அனைத்து ஆற்றலையும் கொண்ட நிலையான தெய்வீக அம்சமாகும்.

அதேபோல், “ரங்” என்ற சமஸ்கிருத வார்த்தைக்கு செல்வது அல்லது நகர்வது என்று பொருள். ஸ்ரீரங்கத்தின் பெருமாள் ரங்கநாதன் கோவிலுக்கு வெளியே நகர்ந்து எங்கும் செல்கிறார். அவர் ஒலியின் அனைத்து ஆற்றலுடனும் நகரும் தெய்வீக அம்சம்.

சமஸ்கிருத வார்த்தையான அஹம், அதாவது “நான்”, ஒளி மற்றும் ஒலியின் மொத்த ஆற்றலைக் கொண்டுள்ளது. ஒளி மற்றும் ஒலியின் முழு கூட்டு ஆற்றலையும், ஸ்ரீ லக்ஷ்மி தேவி மற்றும் ஸ்ரீ ரங்கநாத பெருமாளின் தெய்வீக அம்சங்களையும் தன்னுள் வைத்திருப்பவர் என்பது இதன் பொருள்.

இந்த அர்த்தத்தில், ஸ்ரீரங்கம் ஒரு பௌதிக இருப்பிடம் அல்ல; மாறாக, ஒருவர் தனது அஹத்துக்குள் ஸ்ரீ (ஒளி) மற்றும் ரங் (ஒலி) ஆகியவற்றின் முழு கூட்டு ஆற்றலையும் கொண்டிருக்கும் ஸ்ரீ ரங் அஹம் என்னும் உன்னத நிலை.

இவ்வாறு ஒருசேர ஸ்ரீரங்கத்தில் இருக்கும் காட்சியை சேர்த்தி சேவை என்று அழைப்பர். தாயாரையும், பெருமாளையும் ஒருசேர தரிசிக்கும் மனிதர்களின் அஹத்துக்குள் ஸ்ரீ (ஒளி) மற்றும் ரங் (ஒலி) ஆகியவற்றின் முழு கூட்டு ஆற்றலும் கிட்டும் என்பதே சேர்த்தி சேவையின் பொருள்.

ஆண்டுதோறும் பங்குனி உத்திரத்தினத்தன்று மட்டுமே இந்நிகழ்ச்சி நடைபெறும். பங்குனி என்பது 12வது மாதம்,அதில் வரும் உத்திரம் நட்சத்திரம் 12வது நட்சத்திரம். அதுபோல எந்தஒரு தபசும் பூர்த்திபெற 12 ஆண்டுகள் முயலவேண்டும்.

அதாவது ஒரு மனிதன் பன்னிரண்டு ஆண்டுகள் முழுமையான பிரம்மச்சரியத்தை கடைப்பிடித்தால், மேதா நாடி (ஞான அறிவின் நரம்பு) திறக்கும், அதாவது, அவனது புரிந்துகொள்ளும் ஆற்றல் மலரும். அவரது புரிதல் நுட்பமான கருத்துக்களை ஊடுருவி புரிந்து கொள்ளக்கூடியதாக மாறும். இப்படிப்பட்ட புரிதலுடன் மனிதன் இறைவனை உணர்ந்து ஒன்றாக முடியும். எனவேதான் பங்குனி உத்திரம் சிறப்பான நாளாகவும் அந்நாளில் சேர்த்தி சேவை என்பதும் ஸ்ரீரங்கத்தில் சான்றோர்களால் மனித குலத்துக்காக உருவாக்கப் பட்டது.

ஆகவே இந்நாளில் தாயாரையும், பெருமாளையும் ஒருசேர தரிசித்து, அதன் மூலம் ஒளி,ஒலி யின் ஒருங்கிணைந்த அளவற்ற ஆற்றலை ஒவ்வொருவரும் தம்அகத்துக்குள் பெற்று உய்வடைவோமாக!

Sri Gurubhyo namaha 🙏