You Are That! – “knower of the knowledge”

பொதுப்பொருள்:

சேர்ந்த நிலத்தின் இயல்பால் அந்த நீர் வேறுபட்டு அந் நிலத்தின் தன்மையுடையதாகும், அதுபோல் மக்களுடைய அறிவு சேர்ந்த இனத்தின் இயல்பினை உடையதாகும்.

மெய்ப்பொருள்:

நீரின் தனிப்பட்ட இயல்பு சுத்தமே ஆகும், எனினும் அது சேர்ந்த நிலத்தின் இயல்பால் அதன் தன்மையே பறிபோய் விடுவது போன்று…

அறிவின் தனித்த இயல்பு தெய்வத்தன்மையுடன் கூடியது, பிரகாசிக்கக் கூடியதே, எனினும் அவ்வறிவு சேர்ந்த உடம்பின் (நிலத்தின்) தன்மையால், அவ்வுடம்பு சேர்ந்த இனத்தின் தன்மையால் மாறுபட்டு, அவ்வினத்தின் இயல்பு உடைய அளவே சுருங்கிவிடும்.
ஆத்திச்சூடியில் அவ்வையார் “சான்றோர் இனத்து இரு”
என்று கூறுகிறார். ஏனெனில் ‘சான்றோர் இனம்’ என்பது
தூயஅறிவின் முழு ஆற்றலாய் சதா பிரகாசித்ததுக் கொண்டிருப்பது. ‘சான்றோர் இனம்’ என்பது பாலின வேறுபாடுகளை கடந்தது. சாதி, மதம், சமயம் என்னும் வேறுபாடு அற்றது. ஏற்ற தாழ்வு இல்லாதது. தேசம் மற்றும் மொழிகளை கடந்து நிற்பது. விருப்பு வெறுப்பு அற்றது. என்றும் அருளுடையது.